Políticas Sociais, Economía e Facenda, e Comercio

Políticas Sociais, Economía e Facenda, e Comercio

Actualidad

Qué hacemos

Economía e Facenda

Contacto

ACTUALIDADE

23
Nov
2022
O CONCELLO DE VILALBA LEVA AO PLENO DE MAÑÁ UNHA NOVA ORDENANZA REGULADORA DA VENDA AMBULANTE 
O Concello de Vilalba debatirá mañá no pleno municipal a nova Ordenanza Reguladora da Venda Ambulante. A norma anterior, que data do ano 1994, quedou...
27
Oct
2022
O CONCELLO DESTINA 278.600 EUROS EN SUBVENCIÓNS NOMINATIVAS PARA 42 ENTIDADES SOCIAIS, EMPRESARIAIS, EDUCATIVAS, CULTURAIS E DEPORTIVAS
O Concello de Vilalba celebrou hoxe un pleno extraordinario no que se aprobou a proposta do grupo de goberno de subvencións nominativas destinadas ás entidades...
27
Sep
2022
O GRUPO DE GOBERNO DO CONCELLO DE VILALBA DEMANDA Á XUNTA MELLORAS URXENTES NAS INFRAESTRUTURAS DE CAPTACIÓN E ABASTECEMENTO DE AUGA
O grupo de goberno do Concello de Vilalba leva ao pleno deste xoves, día 29 de setembro, unha moción co obxectivo de “remitir a Augas...
2
Ago
2022
O CONCELLO DE VILALBA CELEBRARÁ O DÍA 24 DE AGOSTO A XIRA  “HOMENAXE AOS NOSOS MAIORES” CUN XANTAR COMO MOSTRA DE AGRADECEMENTO E ADMIRACIÓN DESPOIS DA PANDEMIA
O Concello de Vilalba recupera este ano a Xira dos Maiores o mércores 24 de agosto, unha cita tradicional no calendario das festas que nesta...
13
May
2022
A ALCALDESA DE VILALBA LAMENTA “O DESPREZO INSTITUCIONAL E O USO PARTIDISTA” DO ACTO DE ANIVERSARIO DO CENTRO SOCIOCOMUNITARIO
O Concello de Vilalba denuncia unha vez máis “a ausencia de respecto e cortesía institucional por parte de Xunta e do PP”, xa que nin...
3
May
2022
O CONCELLO DE VILALBA ACOLLE UN CURSO DE ELABORACIÓN DE CONSERVAS ARTESANAIS OS DÍAS 13 E 14 DE MAIO
O Concello de Vilalba e a Deputación de Lugo organizan un curso de elaboración de conservas artesanais para o que haberá 15 prazas. O curso...

QUE FACEMOS

As políticas sociais conforman un piar básico e prioritario da acción de goberno, entendidas como un conxunto de accións que engloban a atención áveciñanza naquelas necesidades asistenciais ou en apoio da calidade de vida.Cunha poboación dispersa, rural e cun alto grao de envellecemento, prestamos especial atención ás problemáticas dos colectivos máis vulnerables para darcobertura pública con programas dirixidos a quen máis o precisa.

Os Servizos Sociais Municipais son o instrumento máis eficaz para garantir a atención das necesidades sociais de toda a poboación do municipio e previr a desigualdade, ofrecendo orientación sobre os programas e recursos sociais públicos e privados dedicados a favorecer a integración e a mellora da calidade de vida das persoas en situación de desvantaxe social,  así como tamén a súa canalización, cando sexa necesario, a outros servizos ou recursos.
Existen dentro do departamento programas específicos que traballan con determinados sectores de poboación, como pode ser o  servizo de prevención de consumo de substancias aditivas etratamento do alcoholismo, ou a información, integración  e asesoramento legal a persoas inmigrantes.
Así mesmo contamos con:

- Centro Ocupacional de Discapacitados Psíquicos
- Escola Infantil Municipal
- Unidade de Atención Temperá
- Xestionamos o comedor da EEI


ECONOMÍA E FACENDA

Este departamento contén as ordenanzas fiscais, os programas económicos e a presentación dos orzamentos en vigor.

A comarca da Terra Chá caracterízase por un elevado peso do sector primario. O noso concello participa deste elemento como fundamental, aínda que se individualiza polo elevado desenvolvemento relativo do seu casco urbano, que actúa como centro de servicios sanitarios, deportivos, culturais, educativos e de ocio, e de relevo comarcal.

No que ten que ver co desenvolvemento empresarial, cabe sinalar que Vilalba conta cun importante tecido empresarial asentado basicamente arredor da capitalidade municipal. Dentro del destacan empresas de transformación de leite, industrias transformadoras de productos cárnicos (xamóns e embutidos), empresas distribuidoras de calzado, algunhas constructoras, empresas de transporte por estrada e de distribución de productos alimentarios,  fábricas de maquinaria agrícola,  serradoiros de madeira, concesionarios de automóbiles, un parador de turismo, hoteles, e un amplo abano de hostais, restaurantes e bares, así como outros negocios de servicios en xeral.

Vilalba conta cun polígono industrial bastante desenvolvido que se atopa xa en fase de ampliación e que conta cun total de 700.000 metros cadrados de solo industrial dispoñible actualmente, feito que favorece a instalación de empresas.

CONTACTO