Comezan as obras de acceso á parroquia de Oleiros

O CONCELLO DE VILALBA COMEZA AS OBRAS PARA PAVIMENTAR E SINALIZAR OS ACCESOS Á PARROQUIA DE OLEIROS

Vilalba, 16 de xaneiro de 2021. O Concello de Vilalba informa do comezo das obras de pavimentación e sinalización dos accesos á parroquia de Oleiros.
 
Esta actuación é nun vial de dous quilómetros, cun orzamento de 71.400 euros que sairán de fondos propios do Concello de Vilalba e do Agader.
 
As obras de acondicionamento e mellora realizanse en concreto sobre o vial municipal que atravesa en dirección Noroeste-Sureste as parroquias de Sancovade, Noche e Oleiros, ata rematar na estrada de titularidade provincial LU-P-6510.
 
Os traballos nos que se divide o proxecto consisten “na limpeza de noiros, procedéndose á retirada da terra vexetal acumulada en beiravías, regularización e pavimento aglomerado, cunha capa de aglomerado en quente en toda a superficie da estrada a causa do estado actual da mesma, e sinalización, colocándose sinais de STOP e pintando marcas lonxitudinais continuas nos bordes da calzada”, explica o concelleiro de Infraestruturas, Luis Fernández.
 
A obra forma parte do plan integral de mantemento e renovación de viais e camiños nas parroquias de Vilalba, posto en marcha polo actual grupo de goberno no concello.

16 de enero de 2021

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies