O CONCELLO DE VILALBA PREMIA AS MELLORES DECORACIÓNS DE NADAL NAS VIVENDAS

O certame valoraba a decoración de Nadal nas fachadas, xardíns, balcóns e fiestras das vivendas tanto do casco urbano como nas zonas rurais de Vilalba

O Concello de Vilalba entregou esta tarde, na Casa da Cultura, os premios do concurso de decoración de casas, fachadas e balcóns de Nadal, organizado pola concellería de Infancia e Mocidade, Feiras e Mercados.

O certame valoraba a decoración de Nadal nas fachadas, xardíns, balcóns e fiestras das vivendas tanto do casco urbano como nas zonas rurais de Vilalba. Deste modo, buscábase embelecer o municipio contribuíndo a crear o ambiente do Nadal.

O xurado concedeu a máxima puntuación a Laura Varela, recollendo o primeiro premio de 200 euros. En segundo lugar, a mellor decoración de vivendas foi a presentada por Ana Goiriz, quen recibiu un premio de 150 euros. Por último, a terceira mellor decoración presentouna Paula Seoane, premiada con 100 euros.

Doutra banda, a opinión do xurado coincide coa vivenda que máis votos obtivo nas redes sociais. Deste modo, a decoración da gañadora Laura Varela foi tamén a que máis “me gustas” obtivo nas redes sociais, recollendo un premio vlaorado en 50 euros.

O xurado, presidido pola concelleira Marta Rouco, estivo formado por Mª Sonia García, técnica de Cultura; Mª Ángeles Rivas, da Asociación de Veciños de San Cosme de Nete; María Neli Alvariño, da Asociación Cultural e Deportiva de Árbol; María Roca, xornalista de “El Progreso”; e Ana Belén García, de Ofimay Eventos.

Deste modo, os membros do xurado valoraron as 31 vivendas presentadas ao concurso en función da orixinalidade e complexidade, a artesanía, o deseño, a decoración con material reciclado e a iluminación.

13 de Xaneiro de 2022

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies