Sinalización do vial entre Corvite e Román

O CONCELLO DE VILALBA PINTA E SINALIZA O VIAL QUE UNE A ZONA DE CORVITE, NO CENTRO URBANO, COA PARROQUIA DE ROMÁN

Vilalba, 12 de novembro de 2020. O Concello de Vilalba rematou os traballos de pintado e sinalización do vial que une a zona de Corvite, no casco urbano, coa parroquia de Román.

Os traballos, orzamentados en 5.000 euros, desenvolvéronse ao longo dos 6,5 quilómetros do vial, mellorando a seguridade viaria de vehículos e peóns.

Trátase dunha estrada moi transitada, xa que pasa ademais por Goiriz e enlaza con outra pista desta parroquia, renovada tamén recentemente polo concello.

“Agora toda esa zona está renovada, con aglomerado quente e sinalización, dando resposta ás demandas veciñais e mellorando a seguridade viaria”, explica Luis Fernández, concelleiro de Infraestruturas.

Os traballos forman parte do plan de rexeneración e seguridade das pistas postos en marcha polo grupo de goberno do concello en todo o municipio.

18 de noviembre de 2020

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies