Un total de 81 pymes e autónomos partiron no programa ‘Compite Vilalba’ impulsado polo concello para mellorar a competividade e dinamizar o comercio local

Un total de 81 pemes e autónomos participaron no programa de formación e asesoramento individualizado impulsado polo Concello de Vilalba e dirixido ao comercio local e a hostalería, co obxectivo de dinamizar o sector e mellorar a súa competitividade tras a crise da Covid-19.

Un total de 81 pemes e autónomos participaron no programa de formación e asesoramento individualizado impulsado polo Concello de Vilalba e dirixido ao comercio local e a hostalería, co obxectivo de dinamizar o sector e mellorar a súa competitividade tras a crise da Covid-19.

‘Compite Vilalba’ permitiu facer unha diagnose individualizada da situación de cada negocio, para despois pasar a unha fase de formación e á realización final da actual campaña de promocións ‘D’compras por Vilalba’, na que xa hai 36 establecementos adheridos e 550 clientes.

Nas últimas semanas, realizáronse nove seminarios formativos sobre diferentes temáticas, houbo unha etapa de asesoramento individualizado e tres reunións para a formulación e o deseño da campaña ‘D’compras por Vilalba’.

Esta última iniciativa trátase dunha aplicación para móbiles de uso moi sinxelo, coa que os veciños e veciñas poden comprar nos establecementos adheridos á plataforma e acumular puntos para canxear por agasallos, que son unha aportación dos comercios participantes. Haberá tamén sorteos entre os usuarios rexistrados.

‘D’compras por Vilalba’ é unha aplicación de axuda para a dixitalización do comercio. Provocará un gasto estimado de 90.000 euros nos negocios locais neste verán e o Concello de Vilalba quere que se manteña no tempo para potenciar a dixitalización e a estratexia online do sector.

“Este programa de formación é unha iniciativa de apoio ao comercio despois de meses complicados, desde o concello queremos que forme parte dun plan continuado no tempo para axudar ao sector, xunto a outras medidas e actividades”, asegura a alcaldesa, Elba Veleiro.

O programa ‘Compite Vilalba’ comezou cunha primeira fase, de diagnose, que tiña como obxectivo poder coñecer a situación na que se atopaban os establecementos participantes no programa, para pasar despois a unha etapa de formación conxunta, coas nove píldoras formativas realizadas en líña para mellorar as capacidades e facer fronte á situación actual.

Despois, o programa chegou a unha etapa de asesoramento individualizado, realizando un acompañamento e seguimento a cada un dos comercios participantes para definir o seu plan de mellora comercial, as accións que debían implantar para aumentar a súa competitividade.

Por último, chegou a quenda de ‘D’compras por Vilalba’, a plataforma online para que o comercio local venda os seus productos, con promocións nas redes sociais, descontos e outras iniciativas.

Ligazón de descarga da aplicación: http://onelink.to/ckd85e

16 de Xullo de 2020

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies