Cultura

QUE FACEMOS

Vilalba mantén durante todo o ano unha ampla programación cultural que engloba todo tipo de actos, nuns casos programados directamente polo Concello e noutros en colaboración coas entidades culturais.

No Departamento de Cultura encontrarás toda a información que necesitas sobre as infraestruturas e a programación cultural que Vilalba pon a túa disposición para que deseñes como queiras o teu tempo de ocio: teatro, danza, cine, música, festas, exposicións, talleres, conferencias…

Por outra banda, o Concello convoca con carácter anual unha liña de subvencións coa que apoiar as iniciativas das asociacións veciñais e culturais do territorio. O Concello valora especialmente a normalización da lingua, a difusión de todas as manifestacións da cultura do país e o feito de que as propostas fomenten unha igualdade real entre homes e mulleres.

Xestións que leva a cabo:

Programación cultural (concertos, teatro, danza,…) no Auditorio Municipal.
Informar sobre as actividades que se realizan nas distintas instalacións culturais
Coordinar as salas de exposicións da casa da cultura e do auditorio.
Xestión e coordinación do salón de actos da Casa da cultura e auditorio.
Tramitar as distintas solicitudes das instalacións culturais.
Informa e distribúe publicacións municipais relativas ós seus programas culturais.
Xestión e coordinación da escola municipal de teatro de Vilalba.
Involucrar aos veciños na programación da actividade cultural para lograr un maior nivel de implicación, compromiso e responsabilidade.

CERTAMES E CONCURSOS

Certame literario (San Ramón): Certame de poesía en galego, celébrase cada 30 de agosto. Está dotado dun premio de 7.000 euros e flor natural para o mellor poema inédito escrito en lingua galega.

Enlace coa web certame literario: http://www.certamedevilalba.org/