A Concelleira de Cultura Mónica González anunciou hoxe a posta en marcha dunha nova edición da Escola Municipal de Teatro, que dará comezo o xoves 5 de febreiro de 2026.
De maneira excepcional, neste curso 2026 a actividade desenvolverase de febreiro a xuño e terá carácter totalmente gratuíto, xa que en vindeiras edicións volverán aplicarse as taxas correspondentes.
Coa Escola Municipal de Teatro, o Concello de Vilalba busca fomentar a creatividade e a expresión das persoas participantes, ofrecendo unha alternativa de lecer cultural.
A Escola Municipal de Teatro está dirixida a diferentes grupos de idade e ofrece unha formación teatral adaptada a cada nivel.
Horarios das clases:
• Grupo Infantil: de 17:30 a 18:30 h- de 6-10 anos – nº de prazas 12
• Grupo Xuvenil: de 18:30 a 20:00 h- de 11-17 anos -nº de prazas 12
• Grupo Adultos: de 20:15 a 22:15 h- de 18 + anos -nº de prazas 20
Inscricións:
O prazo de inscrición estará aberto dende este momento ata o 3 de febreiro ás 14:00 horas, e poderá realizarse a través da sede electrónica do Concello de Vilalba (https://vilalba.sedelectronica.es/board) ou mediante rexistro presencial no Concello de Vilalba.
Existe un número limitado de prazas, polo que a admisión realizarase por riguroso orde de rexistro das solicitudes.
Condicións de realización:
A realización das clases quedará condicionada á existencia dun número mínimo de alumnado inscrito que garanta a viabilidade do grupo. No caso de non acadarse un mínimo de cinco (5) alumnos/as rexistrados/as, a actividade non se levará a cabo.
Folla para facer a solicitude:
