A BIBLIOTECA DE VILALBA INICIA NO CEIP MONSEIVANE AS ACTIVIDADES PARA DAR A COÑECER OS SEUS SERVIZOS NOS CENTROS DE ENSINO

O obxectivo principal desta campaña é fomentar o uso do carné para as entidades e tamén para o alumnado, achegando a biblioteca ás máis pequenas e pequenos co fin de motivar a lectura desde a infancia

A Biblioteca Municipal do Concello de Vilalba comezou esta mañá cunha iniciativa para dar a coñecer os servizos que se prestan deste este espazo público nos distintos centros de ensino do municipio.

O obxectivo principal desta campaña é fomentar o uso do carné para as entidades e tamén para o alumnado, achegando a biblioteca ás máis pequenas e pequenos co fin de motivar a lectura desde a infancia.

O Ceip Monseivane xa conta cun carné de socio co que poderá, como centro, pedir en préstamo ata 30 libros. Na xornada de onte, o equipo directivo elixiu os exemplares na propia biblioteca e hoxe leváronse ata o colexio para desfrute de todo o seu alumnado. Desde a Biblioteca lembran que esta posibilidade faise extensible a calquera tipo de entidade, centros educativos, ludotecas, escolas, conservatorio, etc.

Ademais de achegar este material ao centro, explicouse o funcionamento da Biblioteca e fíxose entrega de xeito individualizado dun impreso para asociarse, un marcapáxinas e unha pegatina.

Finalmente, realizouse unha narración de varios contos arredor de tres temáticas: os dereitos do neno/a, a igualdade e a violencia de xénero.

24 de Novembro de 2021

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies