A Deputación investirá máis de 190.000 euros na vía que une Panchita con Oleiros

O Presidente da Deputación visita en Vilalba a vía que une Panchita con Oleiros, onde a Deputación investirá máis de 190.000€

O Presidente da Deputación de Lugo, José Tomé Rocal, supervisou hoxe xunto á alcaldesa de Vilalba, Elba Veleiro, os treitos onde se van desenvolver os traballos de renovación do firme da estrada provincial LU-P-6510, que conecta os núcleos de Panchita e Oleiros, e onde a institución provincial investirá máis de 190.000 euros. 

As actuacións se desenvolverán en máis de 4,5 quilómetros desta estrada. Os traballos consistirán na reapertura de cunetas, a pavimentación con aglomerado en quente e a súa correspondente sinalización horizontal, co pintando de marcas reflexivas brancas. O prazo de execución será de 9 meses.

Na visita estiveron tamén o tenente de alcalde de Vilalba, Rodrigo Pavón, e os concelleiros de Infraestruturas, Luis Fernández, e de Medio Rural, Ignacio Criado, acompañados dalgúns veciños e veciñas da parroquia de Oleiros.
 
Esta estrada ten moita relevancia porque conecta as parroquias de Oleiros con outras parroquias como Nete ou Ladra, e permite tamén unha conexión directa con Cospeito e San Xurxo. 

1 de diciembre de 2020

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies