CRIBADO CON PCR A MÁIS DE 400 ESTUDANTES E TRABALLADORES DE SERVIZOS ESENCIAIS DE VILALBA

ESTANSE A REALIZAR POLA ELEVADA INCIDENCIA DE PERSOAS ASINTOMÁTICAS NO CONCELLO

Vilalba, 7 de decembro de 2020. Máis de 400 persoas sométense desde a semana pasada a un cribado con PCR no Concello de Vilalba para detectar novos casos positivos de Covid-19 e cortar a cadea de transmisión do virus no municipio.
 
A Consellería de Sanidade xa realizou a semana pasada probas PCR ao persoal do Servizo de Axuda no Fogar (SAF) de Vilalba e hoxe continúa co cribado entre o alumnado de primeiro e segundo de Bacherelato do IES Basanta Silva.
 
A realización deste cribado responde á elevada incidencia de casos asintomáticos de coronavirus en Vilalba.
 
Realizaranse tamén probas ao alumnado do centro Lois Peña Novo e a todos os traballadores e traballadoras de servizos esenciais, como Policía Local, Protección Civil, Cruz Vermella, taxistas e persoal do Centro Ocupacional.
 
O Concello de Vilalba agradece a colaboración de todas as persoas ás que se lle realizan as probas, que teñen como único obxectivo mellorar a situación santaria no municipio.

7 de diciembre de 2020

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies