NOVO ALUMEADO PÚBLICO NO PASEO FLUVIAL, UNHA ACTUACIÓN ENMARCADA NO PLAN DE RECUPERACIÓN DA MADALENA

O concello instalou 89 novos puntos de luz que levaban máis de dez anos sen funcionar utilizando tecnoloxía LED.

O Concello de Vilalba acende hoxe tras os traballos de renovación o alumeado público do Paseo Fluvial, unha actuación enmarcada dentro do plan de recuperación do entorno da Madalena para o desfrute dos veciños e veciñas.

En concreto, o concello instalou 89 novos puntos de luz que levaban máis de dez anos sen funcionar utilizando tecnoloxía LED, o que incrementa a eficiencia enerxética e reduce o consumo e as emisións de C02. 

“Queremos mellorar a visibilidade do paseo dando ademais resposta á demanda veciñal, o espazo de lecer arredor da Madalena é moi transitado e utilizado no verán”, asegura Rodrigo Pavón, primeiro tenente de alcalde e concelleiro de Servizos, Espazos Cidadans e relación cos veciños de Vilalba.

“Ademáis da renovación da instalación e a posta en funcionamento do novo alumeado no día de hoxe, continuarase na mellora deste espazo, único e que serve para o esparcemento a veciños e visitantes do noso concello”, engade Pavón.

No pasado mes de xuño, rematou a segunda fase das tarefas de limpeza e acondicionamento da zona do paseo e a Praia fluvial da Madalena. Co obxectivo de ter a zona lista para a tempada de verán, procedeuse á retirada de máis de 200 árbores caídas e en mal estado, limpando ademais a zona de baño e os espazos da zona recreativa.

A retirada das ábores realizouna, a petición do Concello de Vilalba, a Confederación hidrográfica do Miño-Sil (CHMS), á que o grupo de goberno local agradece “a súa receptividade e colaboración”.

9 de Xullo de 2021

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies