O CONCELLO CONVOCA AS AXUDAS PARA AS ACTIVIDADES DAS ASOCIACIÓNS SEN ÁNIMO DE LUCRO DE VILALBA

Vilalba, 1 de outubro de 2020. O Boletín Oficial da Provincia (BOP) de Lugo recolle na súa edición de hoxe as bases para a convocatoria das subvencións do Concello de Vilalba destinadas ás actividades que desenvolven no municipio as asociacións e entidades sen ánimo de lucro.
En concreto, o concello destinará unha partida de 33.000 euros ás asociacións culturais (5.400 euros); educativas (1.800 euros); clubes deportivos (10.800 euros); asociacións de mulleres (3.600 euros); asociacións veciñais (9.600 euros); asociacións que traballan con colectivos específicos (600 euros), e outro tipo de asociacións (1.200 euros).
Nesta convocatoria, hai un cambio nos criterios de adxudicación e o concello terá moi en conta aspectos como a presenza de mulleres na xunta directiva das asociacións, o fomento de plans de igualdade e as actividades de fomento da convivencia e a igualdade de xénero, ademais doutros aspectos como o fomento da lingua galega ou a celebración de actividades no rural.
Os principios xerais aos que se suxeitarán os procedementos de outorgamento de subvención son os seguintes: publicidade, transparencia, concorrencia, obxectividade, igualdade e non discriminación, eficacia, eficiencia, voluntariedade e non vinculación para futuras subvencións. A concesión das subvencións previstas nas bases tramitarase en réxime de concorrencia competitiva.
O Concello de Vilalba quere dar con estas axudas apoio ás entidades sen ánimo de lucro e contribuír para que acaden o obxectivo de fomentar a participación da cidadanía en cada ámbito de actuación, promovendo desde xeito a democratización da sociedade.
Máis información e bases completas en:
http://www.deputacionlugo.gal/sites/deputacionlugo.org/files/inline-files/01-10-2020.pdf#page=17
 
BOP_2020_10_01_BASES_SUBVENCIÓNS_ASOCIACIÓNS_2020
ANEXOS_SOLICITUDE_SUBVENCIÓN_ASOCIACIÓNS_2020
ANEXOS_XUSTIFICACIÓN_SUBVENCIÓN_ASOCIACIÓNS_2020

1 de octubre de 2020

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies