O CONCELLO DE VILALBA AMPLIARÁ A REDE MUNICIPAL DE ABASTECEMENTO DE AUGA NA PARROQUIA DE SANTABALLA

O orzamento dos traballos rondará os 158.000 euros

O Concello de Vilalba xa ten listo o proxecto para ampliar a rede municipal de abastecemento de auga potable a diferentes núcleos da parroquia de Santaballa.

O orzamento dos traballos rondará os 158.000 euros e o prazo de execución será de dous meses, unha vez que se adxudiquen.

O entronque á rede xeral municipal de abastecemento de auga se realizará no barrio de O Castro e o barrio de Tufiade. A ampliación da rede realizarase tamén nos barrios de O Outeiro; Folgueira, Gunxar e O Apaxo; Vilasuso; O Castro; Carballido e Casela.

Esta actuación permitirá que o abastecemento de auga potable aos diferentes barrios e núcleos se realice desde a rede xeral municipal, mellorando desta maneira a calidade e control da auga utilizada polos veciños.

Será un proxecto con 95 entronques con cargo ao Fondo de Compensación Ambiental da Xunta. Beneficiará tamén á cooperativa de Santaballa.

“Damos continuidade con estas obras á mellora continua dos servizos e infraestruturas na parroquia, como vimos facendo desde o verán de 2019”, asegura Luis Fernández, concelleiro de Infraestruturas de Vilalba.

O trazado da nova rede e os seus ramales seguirá camiños existentes e interferirá en determinados accesos a vivendas, motivo polo que se acometerá a renovación de todos os viais afectados.

3 de Xaneiro de 2022

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies