O CONCELLO DE VILALBA REPARTIRÁ MATERIAIS PARA LOITAR CONTRA A VESPA VELUTINA ESTE VENRES, DÍA 19 DE MARZO

O reparto realízase en colaboración coa asociación de apicultores Serra da Carba, en horario de 10 a 13 horas.

Vilalba, 16 de marzo de 2021. O Concello de Vilalba repartirá este venres, 19 de marzo, material para a loita contra a vespa velutina. O goberno local proporcionará ditos materiais en colaboración coa asociación de apicultores Serra da Carba, continuando así coa loita contra esta praga no municipio.

O reparto destes instrumentos levarase a cabo no Concello de Vilalba o venres 19 en horario de 10:00 a 13:00 horas. As persoas interesadas en recollelo deben poñerse en contacto coas oficinas xerais do Concello de Vilalba ata o xoves, 18 de marzo.

O goberno local pretende con esta nova campaña continuar a loita contra esta praga. De feito, dende o executivo municipal sinalan que coa campaña de 2020 reduciuse considerablemente a presenza de velutina en Vilalba, grazas a un importante traballo de trampeo e retirada de niños.

Polo tanto, o Concello de Vilalba destaca que os datos indican que se está na boa dirección e que a colaboración entre a Asociación de Apicultores, a veciñanza e o Concello de Vilalba debe continuar para seguir progresando no control da vespa asiática.

16 de marzo de 2021

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies