O CONCELLO PRORROGA O PERÍODO NO QUE ESTÁ PERMITIDO AMPLIAR AS TERRAZAS

Estudará coa hostalería local outras medidas para os meses de inverno

Vilalba, 18 de decembro de 2020. O Concello de Vilalba ampliará o período no que as terrazas de hostalaría do municipio poden dispoñer de máis espazo na vía pública para aumentar a súa capacidade.

O prazo remataba o 31 de decembro pero o concello concretará cos representantes do sector a ampliación do mesmo, co obxectivo de axudar aos establecementos de hostalaría, moi perxudicados pola pandemia do coronavirus.

“Temos que facer todo o posible para axudar ao sector respectando por suposto os espazos públicos para os peóns, a tempada de Nadal é fundamental para a hostalaría e o comercio”, asegura Rodrigo Pavón, tenente de alcalde e concelleiro de Espazos Cidadáns, Relación ca Veciñanza e Servizos.

Ademais, o concello convocará aos representantes da hostalaría a unha reunión nos próximos días para estudar que medidas se poden adoptar durante os meses de inverno para adaptar e continuar coas terrazas e os espazos exteriores nos locais.

Estas iniciativas únense a outras como a suspensión da taxa que pagan os locais polas terrazas, que tampouco abonarán durante o ano 2021.

18 de diciembre de 2020

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies