O CONCELLO REFORZA A SÚA APOSTA POLA INSERCIÓN LABORAL DA VECIÑANZA ACOLLENDO A SEGUNDA EDICIÓN DO OBRADOIRO ‘TERRA CHA NO CAMIÑO’

A alcaldesa de Vilalba, Elba Veleiro, e Ignacio Criado, concelleiro de Medio Ambiente e Rural, estiveron hoxe cos alumnos.

O Concello de Vilalba reforza a súa aposta por impulsar a inserción laboral dos seus veciños e veciñas con diferentes actividades formativas e prácticas laborais.

Desde esta semana, Vilaba, en colaboración con Abadín, acolle o obradoiro de emprego ‘Terra Cha no Camiño II’, querematará en xullo de 2022 coa participación de 20 alumnos.

A alcaldesa de Vilalba, Elba Veleiro, e Ignacio Criado, concelleiro de Medio Ambiente e Rural, estiveron hoxe cos alumnos do obradoiro, financiado pola Consellería de Emprego da Xunta.

No caso de Vilalba, haberá seis alumnos formándose en ‘Operacións auxiliares de gravación e tratamento de datos e documentos’, seguindo co proxecto de ‘Organización e dixitalización do arquivo municipal de Vilalba’; e oito alumnos en ‘Pavimentos e albanelaría de urbanización’, desenvolvendo a súa formación co proxecto humanización da travesia Coronel Peña no casco urbano de Vilalba.

Trátase dun programa mixto de emprego e formación que ten por finalidade mellorar a ocupabilidade das persoas desempregadas para a obtención de cualificacións profesionais, ao mesmo tempo que desenvolven un traballo produtivo de utilidade pública e interese social.

 “Con este tipo de obradoiros melloramos a empregabilidade dos participantes, que obteñen a cualificación necesaria para optar a postos de traballo; aínda que os concellos non temos competencias directas en materia de emprego, temos que facer todo o posible para axudar á nosa veciñanza”, afirma Elba Veleiro.

19 de Outubro de 2021

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies