PUBLICADOS OS PREGOS DOS SERVIZOS DE LIMPEZA E CONSERXERÍA NAS INSTALACIÓNS MUNICIPAIS

O contrato será por un ano prorrogable ata tres anos, co obxectivo de facer un control sobre a prestación do servizo

O Concello de Vilalba fixo hoxe públicos os pregos da licitación dos servizos de limpeza e conserxería nos edificios e instalacións municipais, un concurso no que o grupo de goberno local leva meses traballando.

O servizo engloba o edificio do concello, a biblioteca, o auditorio, o pavillón de deportes, os centros educativos de Vilalba, os baños públicos e outras instalacións municipais, así como as prazas de conserxería.

O contrato será por un ano prorrogable ata un máximo de tres anos, co obxectivo de facer un control sobre a prestación do servizo e as condicións dos traballadores da empresa concesionaria. Os pregos están na plataforma de contratación pública e serán publicados tamén no Diario Oficial da Unión Europea (DOUE).

“Englobamos os diversos servizos que se están prestando nun único contrato, primando a seguridade xurídica e un servizo de calidade, máis se cadra nos tempos nos que estamos a vivir”, asegura Rodrigo Pavón, primeiro tenente de alcalde e concelleiro de Servizos, Espazos Cidadans e relación cos veciños.

Para a elaboración da documentación do contrato, o grupo de goberno analizou detidamente en que aspectos podería mellorar o servizo, gañando en efectividade e eficiencia, e mantivo diferentes reunións cos sectores afectados.

“O espírito da nova contrata debe ser o de garantir unha prestación de calidade, cubrindo as peculiaridades que existan en cada instalación; ademais, a pandemia do coronavirus obriga a ser moi coidadoso con este tipo de contratos, dando resposta ás demandas veciñais”, engade Pavón.

25 de marzo de 2021

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies