ReActiva Vilalba: 11.213 bonos consumidos e un total de ventas de 650.000 euros

A CAMPAÑA ‘REACTIVA VILALBA’ PECHOUSE CON MÁIS DE 11.200 BONOS CONSUMIDOS POLA VECIÑANZA E UNHAS VENTAS DE 650.000 EUROS NO COMERCIO LOCAL

Vilalba, 18 de decembro de 2020. O Concello de Vilalba fixo hoxe un balance moi satisfactorio da campaña #ReActivaVilalba, posta en marcha para incentivar o consumo no comercio local a través de bonos de 30 euros para os veciños e veciñas

En total, validáronse 11.213 bonos de compra e 135 establecementos e profesionais adheríronse á campaña, dos que o 72% pertencían ao comercio por miúdo (roupa, calzado ou menaxe), o 23% eran locais de alimentación e o 5% a outros sectores.

O concello calcula unhas vendas por valor de máis de 650.000 euros durante o periodo que durou a campaña, segundo as estimacións realizadas a partir das facturas presentadas.

“Estamos satisfeitos coa campaña, a resposta foi boa e incentivouse o consumo antes da tempada de Nadal, algo que o sector necesitaba”, asegurou a concelleira de Comercio, Marta Rouco, que presentou esta tarde os resultados da campaña nunha rolda de prensa xunto á alcaldesa de Vilalba, Elba Veleiro, e concelleiro de Facenda, Luis Fernández.

O concello rematará a semana que vén o pago dos abonos aos establecementos comerciais, por valor de 336.331,49 euros, e estudará no 2021 novas medidas de apoio ao sector.

“A campaña tivo un elevado impacto económico; tendo en conta a situación actual de crise producida pola actual pandemia do Covid-19, dende o equipo de goberno quixemos axudar aos sectores mais danados pola situación”, engadiu a alcaldesa de Vilalba.

18 de diciembre de 2020

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies