ÚLTIMA FASE DO PROXECTO DE RENOVACIÓN INTEGRAL DA AVENIDA TERRA CHÁ

O Concello de Vilalba acometerá a última fase do proxecto de mellora e renovación integral da avenida Terra Chá, unha das arteriais principais e que máis tráfico soporta no municipio. 

En concreto, o Concello investirá preto de 48.000 euros en pavimentar o tramo pendente, desde o campo de fútbol ata a rúa de Galicia.  

“A Avenida Terra Chá necesitaba unha actuación deste tipo e con esta última fase estará lista, o que suporá unha importante mellora para os vehículos e os peóns”, explica Luis Fernández, concelleiro de Infraestruturas de Vilalba. 

Os traballos inclúen a sinalización da avenida e o uso dos mellores materiais disponibles para o aglomerado, co obxectivo de que a infraestrutura esté nas mellores condicións posibles moito tempo.

Nos pasados meses, procedeuse tamén á renovación das beirarrúas e da rede eléctrica da avenida. “Só queda pendente outra actuación para humanizar a contorna, con bancos de descanso e outro mobiliario, na que pensaremos tras rematar as obras”, engade Fernández. 

17 de abril de 2021

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies