O Vicealcalde Modesto Renda anunciou hoxe o acondicionamento e pavimentación do camiño de acceso ó Vilar de Pígara, na parroquia de Goiriz.
Tal e como explicou, a importancia desta nova actuación radica no feito de que se trata dunha vía que, na actualidade, da servizo a unha decena de vivendas e a cuxo deterioro de anos, había que sumarlle a ausencia de canalización, co trastorno que isto representa para veciños/as e residentes, nomeadamente, nos meses nos que as choivas son máis intensas.
Agora todos eles poderán ao fin desfrutar dun acceso totalmente rexenerado pois, aos traballos de reforzo do firme e posterior asfaltado, compre sumarlle a colocación de tubaxes co fin de darlle resposta ao conxunto das súas demandas.
O custo total desta obra foi de 7.813,86 euros.
Concello de Vilalba
Plaza da Constitucion 1
27800 Vilalba – Lugo
Oficinas Xerais tlf. 982 510 305
