O Concello de Vilalba vén de anunciar a presencia do trío galego nas festas patronais cun concerto de balde o día 30 de agosto. A actuación das Tanxugueiras é a primeira das confirmacións destas datas tan sinaladas para vilalbesas e vilalbeses.
Desde o Concello engadiron que darán máis información a medida que se achegue a data, seguindo as indicacións e protocolos do momento no que se realice o concerto.
Con este anuncio, no que lembraron a presencia das voces de Aida, Olaia e Sabela sobre o escenario do Auditorio Municipal hai pouco máis dun ano, pretenden dar resposta á alta demanda deste grupo logo de romper moldes e revolucionar o panorama internacional coa nosa música de raíz.
Concello de Vilalba
Plaza da Constitucion 1
27800 Vilalba – Lugo
Oficinas Xerais tlf. 982 510 305
