O CONCELLO DE VILALBA ORGANIZA UN OBRADOIRO INFANTIL DE SAMAÍN O PRÓXIMO MÉRCORES 26 DE OUTUBRO

O Concello de Vilalba informa da celebración dunha actividade infantil o próximo mércores 26 de outubro, con motivo do Samaín. A cita inclúe o contacontos coa bruxa Catuxa “Indo para o Samaín” e un obradoiro posterior “Fantasvasos de Samaín”.

A proposta diríxese a nenos e nenas de entre 4 e 8 anos de idade. O evento celebrarase de 17:00 a 19:00 na Biblioteca Municipal de Vilalba.

A actividade é gratuíta, pero cómpre tramitar a inscrición na propia biblioteca, no e-mail vilalba.rbgalicia@eidolocal.es, no teléfono 982512232 ou por WhatsApp no teléfono 626399329.