O CONCELLO DE VILALBA PIDE COLABORACIÓN Á VECIÑANZA POLA RODAXE DUNHA PELÍCULA EN O VALADO, NA PARROQUIA DE SAN SIMÓN

O Valado, na parroquia de San Simón da Costa, acolle entre hoxe e o venres a rodaxe da longametraxe ‘Tratamos demasiado bien a las mujeres’, da produtora Ficción Producciones.

 O Concello de Vilalba pide a colaboración e a comprensión dos veciños e veciñas en previsión das posibles molestias que esta rodaxe poida provocar, como consecuencia dos cortes de luz nos espazos públicos, as restricións de tráfico ou a imposibilidade de acceder a diferentes zonas da parroquia. 

 “A participación do Concello de Vilalba neste tipo de proxectos axuda a dar visibilidade ao municipio e contribúen moi positivamente á dinamización comercial e hostaleira da vila”, explica Eduardo Vidal, concelleiro de Servizos. 

 O goberno vilalbés agradece de antemán a colaboración dos veciños e veciñas.