Dinamización rural, participación colectiva e calidade ambiental.

ACTUALIDADE

23
Mai
2024
A ALCALDESA PÍDELLE Á NOVA DIRECTORA XERAL DE MOBILIDADE QUE INCLÚA “ENTRE SUS PRIMEIRAS PRIORIDADES UNHA SOLUCIÓN PARA A NOSA ESTACIÓN DE AUTOBUSES”
A alcaldesa de Vilalba, Marta Rouco, pídelle á nova directora xeral de Mobilidade, Judit Fontela, que inclúa “unha solución para a nosa estación de autobuses...
15
Mai
2024
O CONCELLO DE VILALBA TRABALLA PARA A CREACIÓN DA PRIMEIRA COMUNIDADE ENERXÉTICA LOCAL
O Concello de Vilalba traballa para a posta en marcha da primeira comunidade enerxética local, unha iniciativa para fomentar o uso de enerxías renovables e...
2
Abr
2024
COMEZAN AS OBRAS DE RENOVACIÓN DO FIRME E SINALIZACIÓN DA AVENIDA DE COSPEITO
Trátase dunha actuación que conta cun orzamento de 26.600 euros e que se levará a cabo ao longo do día de hoxe e de mañá,...
5
Mar
2024
O CONCELLO ACTIVA AS CÁMARAS DA RÚA DA PRAVIA PARA “EVITAR AS INFRACCIÓNS DE TRÁFICO E GARANTIZAR A SEGURIDADE DOS PEÓNS E O USO CORRECTO DO ESPAZO PÚBLICO”
O Concello de Vilalba e a Policía Local activaron as cámaras de control de tráfico ubicadas na rúa da Pravia, captando tamén imaxes da avenida...
12
Feb
2024
O CONCELLO REALIZARÁ NOVE OBRAS PARA MELLORAR AS INFRAESTRUTURAS MUNICIPAIS E CONTRATARÁ A OITO TRABALLADORES CON CARGO AO PLAN ÚNICO 2024
O Concello de Vilalba acometerá nove obras no casco urbano e as parroquias con cargo ao Plan Único 2024 da Deputación de Lugo, mellorando desta...
26
Xan
2024
O CONCELLO RENOVARÁ AS INSTALACIÓNS DO PARQUE INFANTIL DA RÚA DA EMIGRACIÓN CO OBXECTIVO DE INTEGRALO NO ENTORNO URBANO E AXUSTARSE Á NORMATIVA VIXENTE
As obras a realizar incluirán a instalación dunha corda tirolesa de 25 metros de lonxitude e a construción dun novo espazo para o lecer da...

QUE FACEMOS

DINAMIZACIÓN RURAL

Vilalba é un concello formado por 29 parroquias, o que evidencia o gran peso do rural no noso municipio. É por iso que consideramos fundamentais as accións de goberno dirixidas á dinamización das nosas parroquias, tendo como obxectivo prioritario a dotación de servizos e atencións de calidade para o noso rural.

En consecuencia, esta concellería traballa a prol da dinamización rural mediante actuacións como a posta en marcha de actividades nas parroquias vilalbesas que contribúen a que a veciñanza dispoña de actividades de lecer que lles permitan, en definitiva, gozar da súa contorna e do inmenso valor patrimonial e cultural que posúen.

PARTICIPACIÓN COLECTIVA

Vilalba conformámola cada un dos seus/súas habitantes, quen merece que a súa voz sexa escoitada e as súas peticións atendidas. Nesa liña, o compromiso do goberno municipal cos vilalbeses e vilalbesas é absoluto e para garantilo trabállase cada día dende a concellería de participación colectiva, a cal ostenta competencias en cuestións relativas á comunicación activa e directa coa veciñanza.

Existen pois diversos instrumentos de participación colectiva, tales como Línea Verde Vilalba, unha aplicación cuxo principal obxectivo é dotar á cidadanía dun instrumento co cal manter unha comunicación directa co Concello e así poder información á institución local calquera incidencia, dano ou cuestión que considere, á vez que cada quen pode realizar un seguimento da xestión da súa comunicación. Línea Verde Vilalba serve pois para realizar consultas ambientais, consultar os bandos, recibir novas relativas á actualidade do concello, cumprimentar enquisas, recibir avisos importantes e alertas, etc.

CALIDADE AMBIENTAL

Para que a dinamización e a participación colectiva sexan efectivas é imprescindible vivir nun medio coidado e limpo, que garanta a supervivencia dos recursos naturais agora e no futuro, polo que esta concellería asume tamén as responsabilidades relativas a calidade ambiental.

Neste sentido, o tratamento dos residuos e a reciclaxe convértense nun obxectivo destacado deste goberno, que enfoca os seus esforzos en cuestións clave como a xestión do punto limpo ou a promoción da reciclaxe en todo o noso concello, colaborando con outras administración e organizacións cun obxectivo común: o coidado e o respecto do noso medio para asegurar a súa supervivencia.

O Punto Limpo Municipal, situado no Polígono Sete Pontes e con horario de atención ó publico de 16 a 20 h de luns a venres e os sábados de 10 a 14 h, ten como principal función dar cabida a aqueles residuos que non se poidan depositar nos colectores habituais por diversos motivos (necesidade de tratamento previo, composición química, volume,…) como poden ser pilas, electrodomésticos ou colchóns, entre moitos outros.

Ademais, o Concello de Vilalba tamén conta cun Punto Limpo Móbil dende o ano 2023 cuxo obxectivo é facilitar o reciclaxe correcto por parte dos veciños e veciñas en todas as parroquias do municipio. Deste xeito, trátase dun remolque adaptado e compartimentado que periodicamente muda de lugar, asegurándose así un servizo para toda a cidadanía que pode depositar nestes colectores aqueles tipos de residuos para os que non existe depósito habitual na vía pública, como pequenos electrodomésticos, papel e cartón, roupa e calzado ou envases de plástico.

CONTACTO

Concelleiro

Ignacio Criado Montenegro

Email: ignacio.criado@vilalba.es