ÁBRESE O PRAZO DE INSCRICIÓN AOS CURSOS DE NATACIÓN PARA ADULTOS E INFANCIA

O prazo de inscrición está aberto dende o 13 ata o 19 de setembro

***ACLARACIÓN:

Deberase enviar a documentación do 13 ao 19 de setembro ao mail da piscina usuariospiscinavilalba@clece.es

Unha vez realizado o sorteo informático e adxudicada a praza, deberán aportar o resto de documentación: DNI, certificado de conta e, no caso de ser menor de idade, fotocopia do DNI dun dos pai/nai/titor que sexan titulares da conta. En caso de que o/a menor non teña DNI, deberase adxuntar unha fotografía.


O Concello de Vilalba anuncia a oferta de cursos de natación 2021-2022 na piscina municipal. O prazo de inscrición a estes cursos está aberto dende o 13 ata o 19 de setembro e as clases darán comezo o vindeiro 1 de outubro.

En total, ofértanse 130 prazas para nenos e nenas a partir dos 4 anos en horario de tarde. Nestes cursos dirixidos á infancia, os participantes dividiranse en niveis de familiarización, para nenos que só asistiron un ano ou é a súa primeira vez; iniciación, para aqueles que xa asistiron dous anos consecutivos á piscina; e medio, para quen xa nada a diferentes estilos.

No caso dos adultos, ofértanse 42 prazas en nivel de iniciación en quendas de mañá e de tarde. En tódolos casos os grupos non superarán as 6 prazas. Os prezos son de 75€ por trimestre no caso de 2 sesións semanais para os adultos, 60€ por trimestre para 2 clases á semana no caso dos nenos e 30€ por trimestre para 1 clase semanal para os menores.

As prazas adxudicaranse por sorteo informático, que se realizará o 20 de setembro na propia piscina. O día 27 de setembro exporase no taboleiro da piscina e do Concello de Vilalba a lista de admitidos, que deberán formalizar a súa matrícula.

Dende o Concello de Vilalba búscase incrementar a oferta deportiva do municipio, con actividades como esta que abarcan diferentes grupos de idade. Asemade, recórdase que os participantes deberán cumprir a normativa da piscina, así como os protocolos sanitarios pertinentes.

Para realizar as inscricións é posible acudir á Piscina Municipal ou no teléfono 982512530 ou pedir máis información no enderezo electrónico usuariospiscinavilalba@clece.es

9 de Setembro de 2021

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies